Tane Khotu Lage to Hu Shu Karu Poems Gujarati

Share :  जिन्दगी सरक रही है मुठ्ठी में पकडी रेत की तरह,
कुछ पल तो जी लें, समन्दर मे बहती लहरों की तरह..

તને ખોટું જો લાગે તો હું શું કરું?
મને આછકલું અડવાની ટેવ.
હું તો ઝાકળને અડકું, વાદળને અડકું, અડકું છું પડતા વરસાદને
મને ઝરણાનાં પાણી દે અમથા જો કોલ હું પળમાં ઝબોળી લઉં જાતને
તને ભીનું ન લાગે તો હું શું કરું ?
મને કોરુંકટ રડવાની ટેવ.
રંગરંગી પતંગિયાની સાથે રહીને કદી ઊડવાની કલ્પના કરી છે ?
ઢાળ ઊતરતી કેડી પર રહીને અડોઅડ, સરકવાની કલ્પના કરી છે ?
તને ઓસરતાં મોજાંથી લાગે છે ડર
મને ઊલળતા દરિયાની ટેવ.
હળવેથી અળગી થઇ તારાથી આજ, જરી મારામાં જાતને પરોવી તો જો
અલ્લડ હવાની જેમ વહેતી રહીને, ચાર ભીંતોથી આગળ તું નીકળી તો જો
તારે કહેવી હો હા ને તોય તું શું કરે
તને ના રે ના કરવાની ટેવ............
હિતેન આનંદપરા.

Description: Tane Khotu Lage to Hu Shu Karu Poems Gujarati
Reviewer: Kiran Machhi
Rating: 4.0
ItemReviewed: Tane Khotu Lage to Hu Shu Karu Poems Gujarati

Artikel Terkait :